Чирмешән яшьләре Бөек Җиңү хөрмәтенә 72 төп агач утырттылар

"Бөтенроссия агач утырту" көнендә районыбызда 1500ләп төп агач үсентесе утыртылды.

-29 апрель көнне үткән бу акциядә авыл җирлекләре бик актив катнаштылар. Кирәксенүчеләргә Чирмешән урман хуҗалыгыннан чыршы, каен, миләш үсентеләре тәкъдим иттек, - ди Чирмешән урманчылыгының урманны саклау һәм яклау инженеры Алмаз Мотыйгуллин.

"Кояшлы" балалар ял лагеренда, Бөек Җиңүнең 72 еллыгына багышлап, 72 төп миләш, нарат, каен утыртылган. Бу эшне яшьгвардиячеләр ветераннар Советы, "Бердәм Россия" сәяси партиясенең җирле бүлекчәсе вәкилләре белән бергәләп башкарганнар.