Чирмешән китапханәчеләре ветераннарга боегырга ирек бирмиләр

Халыкара хатын-кызлар көне уңаеннан район үзәк китапханәсендә "Хатын-кыз көндәлеге" дип аталган искиткеч матур әдәби кичә оештырдылар. Анда безне - пенсионерларны да дәштеләр. Әлеге чарада катнашучыларны "көндәлек" үткәннәргә алып китте: безгә билгеле һәм билгеле булмаган аристократ дворян хатын-кызларын, Бөек Ватан сугышы хатын-кыз солдатлары образларын тәкъдим иттеләр. Сер итеп сакланган, яшерен көндәлекләреннән без аларның күбесенең аяныч язмышлары хакында белдек.

Ә программа тәмамлангач, китапханәчеләр хатын-кызлар бәйрәме белән тәбрикләделәр, чәчәкләр, бүләкләр бирделәр, ахырдан чәй табынына дәштеләр.

Шундый кызыклы кичә оештырганнары, безгә - өлкәннәргә күрсәткән игътибарлары өчен, китапханә директоры Рузилә Минхәеровага, шулай ук Зинаида Долгополовага, Маргарита Игнатьевага, Оксана Сафиуллинага олы рәхмәтләребезне җиткерәбез. Без - пенсионерлар "тере аралашуга" күнеккән совет чоры кешеләре, бу безгә бүген дә мөһим.

Китапханәдә шундый кичәләр еш уздырылу - мактаулы гамәл. Төрле чаралар оештырып халыкның күңелен күрүче "Рус милли-мәдәни берләшмәсе" иҗтимагый оешмасы активистлары Ирина Митяевага, Елена Ланкинага, Тамара Тимохинага, Ирина Суворовага да рәхмәт.

Екатерина Пестова, Таисия Булычева.

Чирмешән авылы.

Ландыш Зыякова фотолары