Безнең Чирмешән
  • Рус Тат
  • Безнең Хәкимә – дөньяда бер

    Кайбер гаиләләрдә килен кайнана-кайната, ир туганнары белән уртак тел таба алмыйлар, этле-мәчеле кебек яшиләр. Ә менә безнең Хәкимә киленебез, киресенчә, барыбызга да бик яхшы. Аны киленгә санамыйбыз, ул туганыбыз, сеңлебез кебек. Югары Чегодай авылы кызы Хәкимә энебез Бадаев Фәриткә кияүгә чыгып, Әмиргә килгәннән бирле, беркайчан һәм беребезгә дә караңгы чырай...

    Кайбер гаиләләрдә килен кайнана-кайната, ир туганнары белән уртак тел таба алмыйлар, этле-мәчеле кебек яшиләр. Ә менә безнең Хәкимә киленебез, киресенчә, барыбызга да бик яхшы.


    Аны киленгә санамыйбыз, ул туганыбыз, сеңлебез кебек. Югары Чегодай авылы кызы Хәкимә энебез Бадаев Фәриткә кияүгә чыгып, Әмиргә килгәннән бирле, беркайчан һәм беребезгә дә караңгы чырай күрсәтмәде. Гел шундый. Кайчан кайтсаң да, аның ашы пешкән, мунчасы яккан булыр. Мал-туар янында гел өлгер. Өй дә, өй тирәсе дә ялт итеп тора. Вакытын беркайчан бушка уздырмас, үзенә гел шөгыль таба. Арыганын сиздерә белми, йөзеннән елмаю китми. Авылда ихтирамлы кеше киленебез.

    Әти-әниләребезне исән чакларында кадерләп тәрбияләде, аларны шартына китереп, мәңгелеккә озатуны да йолаларыбыз буенча оештырды. Рәхмәт яусын, без дә, тирә-күршеләр дә кыен, авыр, хәсрәтле вакытта аның ярдәмен тоябыз. Энебез Фәрит өчен ул - тырыш, тугры хатын, балалары өчен кадерле, кайгыртучан, үрнәк әни.

    Авылдагы төп йортта инде егерме биш ел гаилә җылысын саклаучы, безне - туганнарны, безнең балаларны, оныкларны да кунак кебек каршылаучы Хәкимәбезне, барлык туганнар исеменнән, тиздән булачак юбилее белән тәбрик итәбез, саулык, бәхет, имин тормыш телибез.

    Әхәт һәм Гөлсинә Нуруллиннар.

    Казан шәһәре.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: