Аккош кызганыч

«Безнең Чирмешән" район газетасында Чирмешән күлендәге аккошның улүе турында хәбәр укыгач, әллә ничек булып китте. Мин күлдән ерак түгел генә йортта яшим. Җәй айларында еш кына бирегә ял итәргә киләбез. Монда бик матур, күңелле. Халык өчен уңай шартлар тудырылган. Балалар өчен уен мәйданчыгы да бар. Яр Чаллыда яшәүче оныкларым да, каникулга кайткач, гел шунда вакыт уздыралар. Кунакларны да, беренче чиратта, күл буена алып барып, аккошларыбыз белән мактана идек. Алар район үзәгенең бизәге, горурлыгы иде. Ә хәзер күл кошларсыз калган икән. Бәлки райондашларыбыз арасында берәр игелекле кеше табылыр һәм күлгә яңа аккошлар алып җибәрер. Минемчә, барлык халык аңа рәхмәтле булыр иде.

Мәрьям Гафурова, пенсионер.

Чирмешән.