Йолдызнамә 6 – 12 июньга

Кучкар (21.03 – 20.04) Кайбер җитешсезлекләрне күрмәмешкә салышсагыз да ярый: сәламәтлекне һәм нерв күзәнәкләрен саклау кайчандагыга караганда да кирәгрәк хәзер. Атна уртасында көтмәгәндә генә керемле булып куярсыз. Булдыклылык һәм осталыгыгыз белән кемнәрнеңдер борынына чиертеп куанырсыз.

Үгезбозау (21.04 – 20.05) Борчу-мәшәкатьләр, ниһаять, узганда калып бара. Хәзер инде тынычланырга да мөмкин. Гәрчә әле төгәлләнмәгән эшләрегез байтак булса да. Хәер, бөтен көчне бер йодрыкка төйнәп, аларны җәһәт кенә башкарып чыгачаксыз һәм дә үзегезне мактап туя алмаячаксыз!

Игезәкләр (21.05 – 21.06) Бу атнада барысы да планлаштырылган булсын. Шулай икән, бөтенесенә өлгерәчәксез. Әле тагын әйбәт кенә акча эшләү мөмкинлеге бирердәй тәкъдимнәр дә ишетеп сөенәчәксез.

Кысла (22.06 – 22.07) Котыгызны алып торган бер эштә хезмәттәшегезнең ярдәме тиеп, шәп уңышка ирешерсез. Үзегезне чын мәгънәсендә кирәкле, файдалы кеше итеп тою мөмкинлеге бирер бу. Атна ахырында саграк булыгыз: тигез җирдә абынып, аяк-кулны авырттыру куркынычы бар.

Арыслан (23.07 – 23.08) Кызыклы вакыйгаларга, дуслар белән очрашу-күрешүләргә, кыска вакытлы сәфәрләргә бай атна. Бер яңа танышыгыз бик дәрәҗәле кеше булып чыгар. Ни хикмәт: танышуның икенче көнендә үк сезгә аның файдасы да тиеп куяр.

Кыз (24.08 – 22.09) Кемнәрнеңдер проблемаларын хәл итәргә тырышып баш катырмагыз. Вакытыгызны бушка гына уздырачаксыз, рәхмәт сүзе дә ишетмәячәксез. Эштә мактаулы хезмәткәр булуыгыз белән тагын да күбрәк горурлану өчен искиткеч шәп сәбәпләр килеп чыгар.

Үлчәү (23.09 – 23.10) Эштәге кайбер вакыйгалар күңелегезгә хуш килмәс. Ләкин бу хакта сүз әйтү ярамас. Атна ахырында кемнәрнеңдер серен очраклы гына ишетеп, үзегез өчен бик файдалы нәтиҗә ясарсыз.

Чаян (24.10 – 22.11) Җитәкчегез, тырышлыгыгызны күреп, хезмәт хакын күтәрү турында уйлана башлар. Шәхси тормышыгызда да күңелне күтәрердәй, яңа планнар кору мөмкинлеге бирердәй хәлләр булыр. Өстәвенә әле бер танышыгыз шәп кенә керем чыганагы да тәкъдим итәр.

Укчы (23.11 – 21.12) Бер хыялыгызның гамәлгә ашуына өмет-ышанычлар барлыкка киләчәк. Җитәкчегез белән бәхәсләшмәгез – үзегезгә зыян гына ясаячаксыз. Атна ахырында якыннарыгыздан бик матур хәбәрләр ишетәчәксез.

Кәҗәмөгез (22.12 – 20.01) Бу атнада үзегезне ничек тә күрсәтергә кирәк. Җаен туры китереп, эштә алыштыргысыз кеше булып торуыгызга ишарәләү дә артык булмаячак. Хезмәттәшләрегез авызыннан ишетелгән мәгълүматтан файдаланып, менә дигән нәтиҗәгә ирешерсез.

Сукояр (21.01 – 19.02) Үзегездән канәгатьсезрәк булуларын тоярсыз, ләкин сәбәбен тиз генә белә алмассыз. Сезгә моны бер хезмәттәшегез җайлы гына төшендерер. Тиешле нәтиҗә чыгаргач, ниһаять, көйле генә эшли башларсыз.

Балык (20.02 – 20.03) Киеренкелектән, ыгы-зыгыдан качарга вакыт. Юкса эшегездә генә түгел, тормышыгызда да тискәре чагылыш табачак бу. Ял көннәрендәге вакыйгалар күңелегездә оялаган шикне юкка чыгарачак.

чыганак