Пандемия Россиядә 972 кешенең гомерен өзгән

Соңгы бер көндә коронавирусны 5841 кеше йоктыруы ачыкланган, үлүчеләр – 105 кеше.

Татарстанда инфекция 752 кешедә беленгән, 1 кеше үлгән.

Дөнья күләмендә статистика мондый: пандемия 3 миллион 193 мең 886 кешедә ачыкланган, 227 мең 638 кешенең гомере өзелгән, 10 мең 485е – соңгы бер көндә.

Россия лидеры Владимир Путин, коронавирус инфекциясе таралуны кисәтү белән бәйле, әлегә эш көннәре булмаган режимны 11 майга кадәр озайтты, гражданнарны үздисциплинага өндәде. Эпидемияне киметүгә ирешеп, коронавирус белән бәйле чикләүләрне киметү ихтималын да әйтте.

Май бәйрәмнәрендә дә, хөрмәтле чирмешәнлеләр, өйдә генә торыйк, аралашудан, кунакка йөрүләрдән тыелыйк, гигиена таләпләрен төгәл үтик. Кибеткә, даруханәгә битлек киеп барыйк. Бу иң элек үзебез һәм якыннарыбыз өчен кирәк.

Ярдәм кирәккәндә “Кайнар линия” телефоннары:

“Ярдәм итәбез” колл-үзәге (8843)598-3-598.

# “Без бергә” номеры 8-800-200-34-11.

Бердәм “Кайнар линия”: 8-800-222-59-00; 2-2830; 2-58-36.

фото: pixabay.com