Көз ахырында бәхетле булырга әзерләнегез!
Астрологлар ышандыруынча, ноябрьнең икенче яртысы йолдызнамәнең күп билгеләре өчен бәхетле булмакчы. Аеруча кайберәүләргә көтелмәгән шатлыклар киләчәк икән. Кемнәргә, дисезме?
Корган планнарына ярашлы яшәүче Бизмәннәр отылмас. Артыгын эшләп, бик арып китүдән генә сак булсыннар. Тормышны ныграк яраткан саен, тормыш аларга күбрәк мөмкинлекләр ачар. Шуңа күрә ноябрь ахырында йолдызлар бу билгегә һичнәрсәгә кайгырмыйча, уйнап-көлеп, елмаеп яшәргә киңәш итә.
Кәҗәмөгезне эшендә уңышлар көтә. Тотынган барлык проектлары уңышлы булыр. Курыкмыйча планнар корыгыз, кирәкле кешеләр белән аралашыгыз. Барысы да сез дигәнчә булырга чамалый.
Үгезбозаулар да рәхәтләнеп эшкә чумсалар була. Озак вакытларын алган эшләре, ниһаять, зур уңыш китерер. Йолдызлар бу билге вәкилләренә катлаулы хәлләрдән җиңүче булып чыгарга да ярдәм итәр. Хыяллары тормышка ашачак!
“Өстәгеләр” Кыслаларга ноябрьне тыныч һәм сабыр үткәрергә куша. Бу очракта уңыш кулларына үзе килеп керәчәк икән. Үпкәләрне онытырга, конфликтка кермәскә кирәк булыр. Вак-төяккә игътибар итмичә, “өстән” җибәрелгән мөмкинлекләрне күрә белергә киңәш итә йолдызлар.
фото: https://pixabay.com/ru
Следите за самым важным и интересным в Telegram-каналеТатмедиа
Нет комментариев