Диетолог гөмбәне куллану буенча киңәшләр бирде

Мәскәү Сәламәтлек саклау департаментының баш диетологы Антонина Стародубова гөмбәләрне еш һәм артык куллану хәтта сәламәт организмга зыян китерергә мөмкин, дип билгеләп үткән. Күп очракта ашказаны-эчәк тракты органнары зыян күрә.

Порций күләмен саклаганда гөмбәдән файда да алырга мөмкин. Бу продукт аксымнарга, А һәм С витаминнарына, В, Д, һәм РР (никотин кислотасы) һәм күп кенә минераль матдәләргә бай. Әмма гөмбәнең азык кыйммәте аның яшенә турыдан-туры бәйле, шуңа күрә яшь гөмбәләрне кулланырга киңәш ителә.

Моннан тыш, бу продукт туклыклылык хисе бирә, шул ук вакытта түбән калорияле дә. Ә анда булган клетчатка аш кайнатуны яхшырта һәм организмнан токсиннарны чыгара, дип белдергән табиб-диетолог Сергей Обложко. Шул ук вакытта кайберәүләргә гөмбәләр кулланудан баш тартырга кирәк, чөнки алар туфрактан зарарлы матдәләр туплый.

«Әгәр дә кешенең ашказаны-эчәк тракты, бавыр һәм бөер авырулары бар икән — гөмбәне ашау тыела. Шулай ук аны дәвалану өчен ашау, йөкле һәм имезүче хатын-кызларга, кече һәм мәктәпкәчә яшьтәге балаларны ашату өчен кулланмаска кирәк», — дип белдерәләр белгечләр.

Гөмбәләрне ашаганда гарнир сыйфатында яшелчә һәм ярма кулланырга була. Экспертлар гөмбәләр җыю һәм сатып алу урынын сайлауга игътибарлырак булырга киңәш итә, ә иң файдалы һәм куркынычсыз дип ак гөмбәне атыйлар — аның тәме һәм хуш исе бар, ул оптималь составка ия.

ВАТАНЫМ ТАТАРСТАН

фото: pixabay.com