Чистайда коронавирустан бер кеше үлгән, Чирмешәндә бу чирне йоктыручы юк
Үткән тәүлектә COVID-19 диагнозы Татарстанда 40 кешедә расланган. Ә Чистайда бу чирдән бер кешенең гомере өзелгән, бу – республикада унөченче үлем очрагы.
Вафат булган 57 яшьлек ир-атны 1 июньдә больницага салганнар. Ни кызганыч, авыруның гомере 11 июньдә өзелә, төгәл диагнозы соңрак расланган.
Үткән тәүлектә Чирмешәндә коронавирус йоктыру очрагы теркәлмәгән. Ә менә Казанда бу авыруның – 18, Яр Чаллыда –8, Түбән Камада – 3, Питрәчтә – 2, Югары Ослан, Биектау, Яшел Үзән, Кукмара, Нурлат, Балык Бистәсе, Саба, Тәтеш районнарында берәр яңа очрагы расланган.
Авыруларның 18е больницаларга озатылган, 22се өйдә дәвалана – аларда авыруның җиңел яки симптомсыз формасы.
фото: pixabay.com
Следите за самым важным и интересным в Telegram-каналеТатмедиа
Нет комментариев