Белеп торыгыз
Чирмешән районында янгыннар 300 мең сумлык зыян салган
Көзге тәүге салкыннар башландымы, янгын казалары арта. Белгечләр моны халыкның электр җылыткычларын куллана башлавы, мичләрне кабызганда тиешле кагыйдәләрне үтәмәве белән бәйлиләр. Узган көзге-кышкы ягу чорында, ягъни сентябрь аеннан мартка чаклы, районда биш янгын булган. Аларда бер кеше зыян күргән, ут өч корылманы юк иткән, икесенә зарар салган. Янгыннардан матди зыян...
Көзге тәүге салкыннар башландымы, янгын казалары арта. Белгечләр моны халыкның электр җылыткычларын куллана башлавы, мичләрне кабызганда тиешле кагыйдәләрне үтәмәве белән бәйлиләр.
Узган көзге-кышкы ягу чорында, ягъни сентябрь аеннан мартка чаклы, районда биш янгын булган. Аларда бер кеше зыян күргән, ут өч корылманы юк иткән, икесенә зарар салган. Янгыннардан матди зыян - 300 мең сум чамасы.
-Аларның сәбәбе - электр җиһазларын файдаланганда янгын куркынычсызлыгы кагыйдәләрен үтәмәү, мичләр, морҗалар төзек булмау, ут белән сак эш итмәү. Янгыннар Чирмешән, Казанка, Сосновка, Күтәмә, Әккәрәй авылларында булды, - ди райондагы янгын күзәтчелеге хезмәтенең өлкән инспекторы Андрей Фомин.
Салкыннарга кадәр, мичләрне кабызганчы, әүвәл аларның төзеклеген тикшерергә киңәш итә белгечләр. Морҗаларны корымнан чистарту, морҗа тышларындагы ярыкларны балчыклы-комлы измә белән сылап, агартып чыгу мөһим. Кулдан ясалган электр җылыткычларны файдалану, бер розеткадан әллә ничә җиһаз кабызып, электр үткәргечләрен кыздыру да ут казасы чыгарырга мөмкин. Сак булыйк.
Следите за самым важным и интересным в Telegram-каналеТатмедиа
Нет комментариев