Чаллыда бер тәүлектә 25 кеше коронавирус йоктырган

14 майга Татарстанда коронавирус инфекциясен йоктыруның 61 яңа очрагы расланган, алар барысы да контактлы. Авыручыларның 20се больницаларга озатылган, 41 кеше өйдә дәвалана (аларда авыруның  җиңел яки симптомсыз формасы).

Казанда коронавирус 24 кешедә ачыкланган. Бу чир белән авыручылар Әлки, Азнакай, Балтач, Югары Ослан, Чүпрәле, Алабуга, Яшел Үзән, Лаеш, Менделеевск, Тукай, Ютазы районнарында бар.

Республикада барлыгы 1980 кешегә COVID-19 диагнозы куелган.

14 майга Татарстанда әлеге чирдән 843 кеше (тәүлеккә +103) терелгән.

Чирмешән районында коронавирус белән авыручы юк. Моңа кадәр әлеге чирне йоктырып больницада дәваланган бер ир-атны больницадан чыгардылар һәм ул хәзер өендә.

фото: pixabay.com