Быел пенсия күләме уртача 1 мең сумга арткан
Узган ел Татарстанда пенсиянең уртача күләме 15497 сум булган. Республикада 1 млн 136 мең пенсионер яши. Быел аларның акчасы күпмегә арта? Бу һәм башка сорауларга җавапны Россия Пенсия фондының Татарстандагы бүлекчәсендә узган утырышта бирделәр.
– Узган ел гыйнвар аеннан эшләмәүче пенсионерларның иминият пенсиясе 6,6 процентка артты. 1 апрельдән исә социаль пенсияләр 6,1 процентка артты. Август аенда эшләүче пенсионерларның иминият взнослары кабат исәпләнде. Быел гыйнвардан пенсиянең иминият өлеше 6,3 процентка индексацияләнеп, уртача алганда 1 мең сумга артты. Апрельдә исә социаль пенсия күләме 2,6 процентка индексацияләнәчәк, – диде бүлекчә идарәчесе Эдуард Вафин, "Ватаным Татарстан" хәбәр итә.
Следите за самым важным и интересным в Telegram-каналеТатмедиа
Нет комментариев