Безнең Чирмешән
  • Рус Тат
  • 2019 елда Татарстанда пляжларны төзекләндерү эшләре планлаштырыла

    Рөстәм Миңнеханов республикада яхшы пляжлар юк диде.

    2019 елда пляжлар Татарстан Республикасында җәмәгать урыннарын төзекләндерү проектына керәчәк. Бу хакта ТР Президенты Рөстәм Миңнеханов “Татмедиа” АҖ генераль директоры Андрей Кузьминга биргән интервьюсында әйтте.

    Республика Президенты әйтүенчә, җәмәгать урыннарын төзекләндерү буенча Татарстан әле башлангыч этапта гына.

    “Без нәрсә эшләдек? Паркларны, скверларны, җәяүлеләр юлларын гына тәртипкә китерә башладык... Ишегаллары шулай ук җәмәгать урыны булып тора. Киләсе елда бу программага пляжлар да керәчәк. Бездә бер җирдә дә яхшы пляжлар юк”, - диде Рөстәм Миңнеханов.

    Реклама

    Ул ел башыннан сулыкларда 70кә якын кешенең вафат булын да искәртте. Хәлне яхшырту өчен балаларны йөзәргә өйрәтергә һәм пляжларда спиртлы эчемлекләр эчүне контрольдә тотарга кирәк, диде президент.

    “Бездә 70 кеше суда батып үлде. Бу нилектән килеп чыга? Чөнки йөзәргә өйрәтмибез, ә бөтен баланы да моңа өйрәтергә кирәк. Бассейннар булмаган барлык районнарда да быел аларны төзеделәр. Әлбәттә, су коену өчен урыннар оештырыла икән, анда йөзүне дә, эчүне дә (спиртлы эчемлекләр) контрольдә тотучы кешеләрне куярга кирәк. Кызганыч, мондый хәлләр күпчелек, кешеләрнең эссе һавада  спиртлы эчемлекләр эчүе аркасында килеп чыга”, - диде Рөстәм Миңнеханов.

    Интервью 22 сентябрьдә sntat.ru сайтында чыгачак. Видеоверсияне “Татар-информ” агентлыгының ютуб каналында карарга мөмкин булачак.

                                                         Чыганак: http://m.tatar-inform.tatar/news/2018/09/22/172040/

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: