Чирмешән юлларында былтыр 4 кеше һәлак булган
2019 нчы елда район территориясендә булган 23 юл-транспорт һәлакәтендә 4 кеше һәлак булган, 21 кеше төрле дәрәҗәдә тән җәрәхәтләре алган ( 2018 нче елда 17 авариядә 4 кешенең гомере өзелгән, 20 кеше яраланган).
Балалар катнашында булган бер юл-транспорт һәлакәтендә 2 баланың сәламәтлегенә зыян килгән. Материаль зыян белән 170 һәлакәт булган.
-Җәзалар кырыс булуына карамастан, юлларда исерек хәлдә руль артына утыручылар саны кимими. Узган елны район юлларында полиция хезмәткәрләре шундый 54 кешене туктатты, 2018 елда бу күрсәткеч 66 иде, - ди ЮХИДИ бүлекчәсе начальнигы Иван Мясников. – Шуларның бишесе икенче тапкыр эләктеләр, аларга карата җинаять эше кузгатылды.
Йөртү таныклыгыннан башка да транспорт йөртүчеләр - юлда туктатылганнар шактый икән - 33 үк. 16 кеше машина йөртү таныклыгыннан мәхрүм ителгән килеш рулҗ артына утырган.
2019 нчы елны юл инспекторлары һәм участок инспекторлары юл йөрү кагыйдәләрен бозуның 3321 очрагын ачыклаганнар (2018 елда – 3620). Фото и видео фиксация җайланмасы ярдәме белән, тизлекне арттыруның 11 меңнән күбрәк очрагы теркәлгән.
фото: архив
Следите за самым важным и интересным в Telegram-каналеТатмедиа
Нет комментариев