Ивашкино боксчысы Чайковскийда танылды

Марат Гомәров, 8 май 2019 - 09:00

4674

Ивашкино авылы егете Александр Апалаев бокс буенча зур турнирда республика данын яклап икенче урын яулап кайтты.

Алдарак язганыбызча, “Чирмешән” балалар һәм яшүсмерләр спорт мәктәбендә шөгыльләнүче Александр (тренеры Николай Емельянов) яшүсмерләр арасында Татарстан беренчелегенә узган ярышта җиңү яулаган иде. Аны республиканың бокс буенча җыелма командасына алдылар. Һәм менә апрель азагында Идел буе федераль округы беренчелегенә Пермь краеның Чайковский шәһәрендә 2005-2006 елгы яшүсмерләр арасында бокс буенча узган турнирда Саша үз авырлыгында икенче урынга ирешкән.

Ә Татарстан командасы өченче булган.