Чирмешән районында волейбол буенча чемпионатка йомгак ясадылар

Чемпионатта катнашкан 7 команда (Ивашкино, Шешминка, Күтәмә, Яңа Элмәле, Ульяновка авыл җирлекләре, спорт мәктәбе, педагогларның җыелма командасы) арасында иң көчле волейболчылар билгеләнде.

 Күтәмәлеләргә тиңнәр булмады, алар беренче урында. Ивашкино авыл җирлеге командасы алардан беразга гына калышып икенче урын алды, бу командага 15 мең сум күләмендә сертификат бүләк иттеләр. Өченче урын алган Чирмешән авылы педагогларының җыелма командасы - 10 мең сумлык сертификат иясе.

-Шешминка командасыннан Юлия Кириллова – иң яхшы уенчы, Ивашкинодан Татьяна Апалаева иң яхшы һөҗүмче булып танылдылар. Педагоглар командасыннан Флера Рәхимҗанова үзен иң яхшы бәйләүче (связующий) буларак күрсәтте, – диде район яшьләр эшләре һәм спорт бүлеге начальнигы Ольга Галеева.

Ир-атлар арасында волейбол буенча көч сынашкан 12 команда арасында район башкарма комитеты уенчылары иң осталар булып танылдылар, алар – беренче. ВК-Z (Чирмешән яшьләре) командасы – икенче, БИО-АГРО спортчылары өченче урында.

фото