Чирмешән хоккейчылары Мәскәүдә уйнаячак
Чирмешәннең “Корыч ябалаклар” командасы Бөтенроссия “RedBull Шлем и Краги” дип аталучы хоккей турнирының Әлмәттә узган төбәк этабында җиңү яулады. Хәзер безнең команда Мәскәүгә ярышка барачак.
– Турнирда Кама арты төбәгеннән 32 команда катнашты. Финал уенында егетләребез әлеге ярышларның былтыргы чемпионы булган “TatneftBull” командасын җиңүгә ирештеләр. Ә уенчыбыз Руслан Маковей турнирның “Иң яхшы бомбардир”ы буларак танылды. “Корыч ябалаклар” турнирның 22-24 февральдә Мәскәүдә узачак суперфиналында уйнаячак, - ди район үзәгендәге “Юбилейный” Боз сарае директоры Риф Зарипов.
“RedBull Шлем и Краги“ – ачык бозда “дүрткә - дүрт” форматында уйнала торган яңа төр ярышлар сериясе. Капкалар автомашина резина көпчәкләренә кисеп ясалган ике кечкенә “тәрәзә” рәвешендә урнаштырыла, аларны капкачы сакламый.
.jpeg)
Фото архивтан
Следите за самым важным и интересным в Telegram-каналеТатмедиа
Нет комментариев