Әгәр тамак авыртса...

Оториноларинголог Асият Зиркуева тамак төбе кычытканда һәм авыртканда кайбер чикләүләрне үтәргә, шул исәптән кайбер ризыкларны һәм эчемлекләрне рационнан алырга кирәклеген аңлата.

Иң элек табиб майлы, тозлы, әче, артык эссе яки салкын ризыклардан баш тартырга киңәш итә, чөнки ул тамакның арткы стенасын ярсыта. Моннан тыш, газлы эчемлекләр, әче сутлар, спиртлы һәм кайнар эчемлекләр кулланмаска кирәк, алар тамак төбен яндыра һәм ялкынсынуны көчәйтә.
Белгеч әйтүенчә, коры һава тамакны киптерергә мөмкин, шуңа күрә һава дымландыргыч кулланырга һәм бүлмәне еш җилләтергә кирәк. Тәмәке тартудан баш тарту тамак җәрәхәтләнүен һәм ялкынсынуын булдырмаска ярдәм итәчәк.

Асият Зиркуева белдерүенчә, тамак кычытканда яки ялкынсынганда антибиотиклар, табиб киңәшеннән башка спиртлы спрейлар яки ингаляторлар кулланырга ярамый, чөнки бу шешүгә һәм куркыныч авыруларга китерергә мөмкин. Вируслы инфекцияләр белән бәйле авырту булганда, дәвалауны тамакны чайкаудан (мәсәлән, фурацилин белән) башларга кирәк. Моннан тыш, тизрәк терелү өчен җылы эчемлекләр эчәргә кирәк.

чыганак