Ач карынга ашарга ярамый торган ризыкларны атаганнар

Ач карынга цитрус җимешләре, сок, куе каһвә ярамый. Татлы газлы суны һәм яңа пешкән камыр ризыгын да саклык белән генә кулланырга кирәк. Санкт-Петербург дәүләт университетының фәнни-клиник һәм мәгариф үзәге диетологы Наталья Круглова ria.ru хәбәрчесенә шулай дип белдергән. Бу ризыкларны иртән ач карынга һич тә ашарга ярамый, дигән белгеч.

“Аеруча ашказаны-эчәк чирләреннән интегүчеләргә сак булырга кирәк. Әлеге ризыклар ашказанында тоз кислотасы эшләп чыгаруга этәргеч бирә. Шуңа күрә ашказаны авыртуга, эч күперү, сару кайнауга китерергә мөмкин”, – дип аңлатып үткән диетолог.