Чирмешәндә чүп җыючыларга эш ике тапкыр арткан

Бер карыйсың - контейнерларны бушатып кына китәләр, күп тә үтми, ул инде ташып тулган була. Нишлисең, халыкның йорт, каралты-кура тирәсен җыештыра торган вакыты. Кыш буена җыелган, кирәкмәгән, сортировкаланган әйберләр, кием-салым дә – чүплектә.

– Эре габаритлы чүп күләме артты: өй җиһазы – мебель, агач ботаклары, бакчадан җыелган яфрак. Автомашина резинасын күп ташлыйлар, тик без аларны алмыйбыз, –  ди Чирмешәндәге каты көн-күреш калдыклары полигоны мастеры Валерий Тимофеев. – Чүпне район буенча өч автомашина белән җыябыз. Көндез өлгерә алмасак, шәт, төнге смена да оештырмыйча булмас.

Марат Гомәров фотолары