Акча юк

Акча юклыктан, кайбер хуҗалыклар, оешмалар автотранспорт чараларына техник карау үткәрә алмый.

Чирмешән муниципаль районы башкарма комитеты раслаган график нигезендә, март аенда авыл хуҗалыгы предприятиеләре үз транспорт чараларына техник күзәтү үткәрергә тиеш иделәр.

"Таттехконтроль" җәмгыяте белгече Марат Сафиуллин хәбәр итүенчә, "Сөлчә", "Күтәмә - АГРОфирмасы" һәм "Чирмешән агрохезмәтләре" хуҗалыкларының берничә транспорт чарасы гына үз вакытында техник күзәтү узган.

"Чирмешән районы коммуналь челтәрләре", "Чирмешәнагрохимсервис" җәмгыятьләре, авыл җирлекләре башкарма комитетлары да транспорт чараларына техник күзәтү уздыра башлаганнар.