Гуманитар фәннәр буенча «сөйләшү» модельләрен эшләү башланган
Рособрнадзор 2030 елга тарих буенча Бердәм дәүләт имтиханына яңа формат — телдән тапшыру өлешен кертү планнарын раслады.
Бу хакта ведомство башлыгы Анзор Музаев РИА Новости агентлыгына биргән интервьюсында белдерде.
Нәрсә үзгәрә?
— Хәзер инде гуманитар фәннәр буенча «сөйләшү» модельләрен эшләү башланган.
— 9 нчы сыйныфта тарихтан сөйләм имтихан 2028 елда штат режимына керәчәк.
— Ә 11 нче сыйныф өчен БДИда телдән блокны беренче булып тарихтан көтәбез. Вакыты — 2030 ел.
Әдәбият фәненә кагылачакмы?
Мондый өлеш, ихтимал, әдәбият имтиханында да барлыкка килер. Тик әлегә төп игътибар — тарихка.
Борчылмагыз
Ведомство башлыгы 9 нчы сыйныф укучыларын тынычландырды: модельне эшләүдән алып гамәлгә кертүгә кадәр 4-5 ел вакыт уза. Димәк, барысы да акрынлап, уйланылган гамәлләр белән булачак.
Искәрмә: башта яңа форматны төрле төбәкләрдә сынап караячаклар, укытучыларның фикерләрен исәпкә алачаклар. Шуннан соң гына рәсми рәвештә кертеләчәк.
Ә сез әзерме? Тарихны белү генә түгел, ә аны матур итеп сөйли белү дә мөһим булачак!
Гүзәл Шәфыйкова фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев