Чирмешән районының иң оста педагоглары көрәшне дәвам итә

“Ел укытучысы-2024” бәйгесенең декабрь аенда районда старт алган муниципаль этабында өч номинациядә 15 педагог үз осталыкларын күрсәтте.  Нәтиҗәдә  “Педагогик дебют” номинациясендә Чирмешән лицееның  башлангыч сыйныфлар укытучысы  Регина Галәветдинова җиңүгә ия. “Иң яхшы татар теле һәм әдәбияты укытучысы” – Кармыштан Гөлфинә Гайфуллина.  “Ел укытучысы-2024 бәйгесенең җиңүчесе дип Күтәмә мәктәбенең биология укытучысы Александр Чалин танылган.

Җиңүче педагоглар район данын әлеге һөнәри бәйгенең февраль аенда Спас районында узачак зона этабында яклаячаклар.