Якты Тауда “Могҗизалар кыры”нда уйнаганнар

Әлеге чараны Туган телләр һәм халыклар бердәмлеге елын йомгаклап, Якты Тау, Югары Чегодай, Иске Үтәмеш, Иске Кади, Утыз Имән һәм Урманасты Үтәмеш авыллары китапханәчеләре оештырды. Уенчылар туган телләр темасына багышланган сорауларга җаваплар эзләде. 70 яшьлек Динә апа Мөслихова иң тапкыр булып танылды, ул “Могҗизалар кыры” җиңүчесе.

-Китапханәчеләр тамашачыларга әдәби жанрлар турында сөйләделәр, аларны китап күргәзмәсе белән таныштырдылар һәм презентация күрсәттеләр, - ди Иске Кади авылы китапханәчесе Рушания Гыйрфанова. – Яр Чаллыда яшәүче авылдашлары Фәрит Морзаханов үзе ясап, авыл мәдәният йортына бүләк иткән кечкенә сандык кунакларда зур кызыксыну уятты. Чигүле сөлгеләр, милли орнаментлар белән бизәлгән зал, музыкаль чыгышлар уенчыларны җиңүгә рухландырды.

Рушания Гыйрфанова фотолары.