Чирмешәнлеләр - Лениногорск сәхнәсендә

Кадрия Гамирова, 17 октябрь 2024 - 14:30

254

Лениногорск Мәдәният сараенда узган “Татарстан – безнең йорт” республика этно-мәдәни фестиваленең зона этабында Иске Элмәле, Утыз Имән һәм Яшәүче авыллары үзешчәннәре дә катнашты.

Якташларыбызның барысына да катнашучы Дипломнары тапшырылды, җиңүчеләр соңрак ачыклана, алар 4 ноябрьдә Казан шәһәрендә гала-концерттта чыгыш ясаячак.

Иске Элмәле авылыннан “Ивушки” вокал ансамбле, “Мерчень” чуваш вокал ансамбле һәм авыл китапханәчесе Сергей Елин вокал соло номеры белән чыгыш ясаган. Утыз Имәннән Светлана Сәйфетдинованың керәшен халык биюен җылы кабул иткәннәр, Яшәүчедән Гөлназ Шәйдуллина мөнәҗәт әйткән.