Район мәдәният йортының “Умырзая” ансамбле коллективы Саратовта узган “Идел буе йортында” милли мәдәният этнофестиваленнән өченче урын иясе булып кайтты.
Бу чара “Бергә без – Россия” Бөтенроссия халык иҗаты фестивале кысаларында оештырылган. Анда 11 төбәктән 300 дән артык кеше катнашкан. Фестивальдә халык иҗатының барлык жанрлары: хореография, вокал, хор, музыка уен коралларында башкару, декоратив-гамәли сәнгать сыналган.
Безнекеләр татар халык йортында милли җырлар, биюләр, ризыклар тәкъдим иткәннәр. Моннан тыш Шәһәр көнендә дә чыгыш ясаганнар.
Гөлгенә Хәрисова фотолары
Нет комментариев