Телгә мәхәббәт гаиләдән башлана
Үзен Эрик Григорян дип таныштырган малай бик матур татарча сөйләшүе белән җәлеп итте. Чөнки, еш кына, татар балаларының сөйләгәннәрен тыңлап торсаң, исләр китә: ”чыктым аша күпер” яки бер сүз татарча әйтсәләр ике-өчесе – русча.
Баксаң, Эрик Иске Үтәмеш малае икән, әтисе – әрмән, әнисе – татар. Бу гаилә белән якыннанрак танышырга булдым.
- Без гаиләдә күбрәк татарча сөйләшәбез. Өч балабыз да ана телен яхшы белә, алар белән гел татарча аралашам, әле еш кына Давидка да татарча сөйлим. Ул да безнең телне бераз белә, - диде Рушания Григорян. – 10 ел әти-әниләр белән яшәдек. Ана телен, гореф-гадәтләрне белүдә әби-бабайларның роле зур. Туган телгә мәхәббәт тәрбияләү гаиләдән башланырга тиеш. Әгәр бала гаиләдә ана телендә аралашмаса, балалар бакчасында, мәктәптә укытылган атнага бер-ике татар теле дәресендә генә күп нәрсәгә өйрәнә алмый.
Григоряннар әрмәнчә дә “ипи-тозлык” беләләр. Рушания үзе дә әрмәнчәне аңлый. Гаиләдә мөселман һәм христиан диннәре гореф-гадәтләрен дә үтәп яшәргә тырышалар.
- Күп телләр белү – байлык ул. Мин чувашча да сөйләшәм, - диде Рушания Габдерәшит кызы. – Балаларымның да күп телләр өйрәнүен, әти-әни телен аеруча яхшы белүләрен телим.
Следите за самым важным и интересным в Telegram-каналеТатмедиа
Нет комментариев