Чирмешән урманчылары ветераннарын онытмыйлар

Бөек Җиңү бәйрәме алдыннан Чирмешән урманчылыгы һәм урман хуҗалыгы коллективлары үзләрендә эшләгән ветераннарга бүләк ясадылар – “Безнең Чирмешән” – “Наш Черемшан” газеталарына икенче яртыеллыкка подписка квитанцияләре тапшырдылар.

- Озак еллар урманчы булып эшләгән тыл хезмәтчәне Стефан Романовны, Яңа Элмәлегә барып, Бөек Җиңү көне белән котладык, газетага подписка белән бергә күчтәнәчләр дә тапшырдык, - диде Чирмешән урманчылыгы җитәкчесе Алмаз Мотыйгуллин. – Форсаттан файдаланып, ветераныбызның хәлен дә белеп кайттык.

Бу елның соңгы алты аенда Светлогорскида яшәүче Самат Мортазин, Чирмешәннән Николай Суворов һәм Иван Степановлар да Чирмешән урманчылары бүләк иткән “Безнең Чирмешән”-“Наш Черемшан” газеталарын укып, район яңалыклары белән танышачаклар.

Алмаз Мотыйгуллин фотолары