Шешминка пенсионерларына ипине бушлай бирәләр

Чыксаң да, керсәң дә – берүзең

Шешминка авыл җирлеге составындагы Шешминка крепостенда – 369, Андреевкада – 81, Павловка поселогында – 5,  ә менә Нагайда исә нибары 1 кеше яши. 

Бер килде, унике китте

Шешминка авыл җирлегендә (дүрт авыл: Шешминка, Андреевка, Павловка, Нагай) узган, 2019 елда бары бер бала туган (2018дә дә – шулкадәр). Ни кызганыч, монда былтыр 12 кеше бакыйлыкка күчкән (2018 дә – 6).

Пенсионерларга  -  бушлай ипи

«Андреевка» җәмгыяте авыл хуҗалыгында эшләп чыккан колхозчы пенсионерларны атнасына ике тапкыр бушлай ипи белән тәэмин итә. Бу игелекле гамәлне башлауларына инде биш еллап. Җәмгыять җитәкчесе  Васыйл Әхмәтҗанов әйтүенчә,  Шешминка, Андреевка, Павловка авыллары пенсионерлары өчен атнасына барлыгы йөзләп буханка  ипи кайтарыла.  Аларны пенсионерлар район кулланучылар җәмгыятенең авылдагы кибетеннән килеп алалар.