Сездән – сорау, бездән – җавап

Узган атнада Казаннан килгән белгечләр, төрле министрлыклар һәм ведомстволар юристлары Иске Кадида һәм Чирмешәндә гражданнарны кабул иттеләр.

Райондашларыбыз аларга барлыгы 86 сорау биргән. Аеруча Хезмәт, мәшгульлек һәм социаль яклау, Җир һәм милек мөнәсәбәтләре министрлыклары вәкилләренә эш күп булган. Мәгариф министрлыгы, Пенсия фонды идарәсе юристларына да байтак халык мөрәҗәгать иткән. Нигездә, якташларыбыз шәхси мәсьәләләр буенча консультация алырга килгәннәр. Белгечләр шунда ук сорауларга тулы җавап бирергә тырыштылар. Кайбер мәсьәләләргә, билгеле, соңрак ачыклык кертәчәкләр.