Мастерлар грант оттылар

Нурлат аграр техникумы филиалы (106нчы һөнәр училищесы) укытучылары "Иң яхшы оста" ("Лучший мастер") республика конкурсында җиңү яулаганнар һәм грантлар отканнар.

Газ белән эретеп ябыштыручыларны һөнәргә өйрәтүче Фазыйл Шакировка һәм пешекчеләрне әзерләүче Зөлфия Минголовага бер ел дәвамында ай саен өстәмә 7 мең сум акча түләячәкләр.

Ә "Яңа оста" ("Новый мастер") наминациясендә Виктор Инякин ике ел дәвамында шулкадәр акча алачак.

Әлеге, республикакүләм бәйгедә гомумән йөздән артык кеше катнашкан, шуларның 30сы грант иясе булган.