Безнең районда
Күтәмә мәдәният йортына төзүчеләр килә
Күтәмә авылы мәдәният йортында озакламый капиталь ремонт башлана.
Биредә төзелеш эшләрен “Татнефть” җәмгыяте гранты акчаларына башкарырга планлыйлар. 1964 елда төзелгән мәдәният учагын 20 миллион сум акчага тулысынча яңартмакчылар.
-2014 елда бина тышланган, шуннан бирле аңа төзүчеләр кулы тимәгән, - диде Күтәмә авыл җирлеге башлыгы Наил Сабиров. – Ремонттан соң мәдәният йортының эче дә матурланачак, электр, су, канализация, җылылык челтәрләре яңартылачак. Ишекләр, тәрәзәләр, түшәм, идән, стеналар да алмаштырылырга тиеш, түбәсен төсле профнастил белән ябу да планлаштырыла.
фото: Кадыр Гумеров
Следите за самым важным и интересным в Telegram-каналеТатмедиа
Нет комментариев