Чирмешәннән хәрбиләргә гуманитар ярдәм илтергә район башлыгы да китте

Монысында район башлыгы Рамил Айбатов үзе дә юлга кузгалды. Бу аның  махсус хәрби операция зонасына икенче сәфәре.

Якташларыбыз гуманитар ярдәм белән Херсон өлкәсе юнәлешенә юл алды. Егетләргә районнан “Нива” автомобиле һәм запас частьләр дә барып ирешәчәк. Ә “Газель” автомобилен сугышчыларга көндәлек кирәк-яраклар, азык-төлек, маскет челтәрләре, генераторлар, бензин пычкылары, шәхси гигиена әйберләре белән тутырганнар. Әлеге “күчтәнәчләр” район халкыннан җыелган акчаларга сатып алынган. Якташларыбызга атаулы аерым “посылкалар” да бар. Аларны “Чирмешән” балалар-яшүсмерләр спорт мәктәбе директоры Риф Зарипов һәм Күтәмә авыл җирлеге башлыгы Наил Сабиров илтә киттеләр.

Эльмира Галәүтдинова фотолары