Чирмешәндәге Совет урамында яшеллек артачак

Әлеге максатларга биш миллион сум акча бүленә. Төп игътибар яшелләндерү эшләренә юнәлтеләчәк. Тагын кайларда нинди яңалыклар кертү тавыш бирү юлы белән хәл ителәчәк, аның планын төзүдә Казаннан килгән белгечләр дә булышачак.

Татарстан Республикасы Министрлар Кабинетында җурналистлар катнашында узган брифингта  да республика районнарында төзекләндереләчәк киңлекләр турында сөйләделәр. 2023 елда Кече шәһәрләр Бөтенроссия конкурсында җиде шәһәр һәм Свияжск авылы катнаша. Әлеге бәйге “Торак һәм шәһәр мохите” илкүләм проекты кысаларында үткәрелә. Барлык катнашучылар да җиңү яулаган очракта, алар республикага 675 миллион сум күләмендә грант ярдәме китерә ала.

Кадрия Гамирова фотолары