Чирмешән укучыларының каникуллары кызыклы үтә
Район үзәк балалар китапханәсе хезмәткәрләре өлкәннәр һәм инвалидлар йорт-интернаты каршындагы паркта балаларны “Балалар куллары могҗизалар тудыра” исемле бәйрәмгә җыйды.
Китапханәдә эшләүче апалары аларга иҗади бәйгеләр оештырды. Мастер-класс барышында балалар китап кыстыргычлары ясарга өйрәнде. Гипстан эшләнгән фигураларны буяу, асфальтка рәсем төшерү дә бик ошады аларга. Бәләкәйләр рәхәтләнеп кәгазьдә ясалган рәсемнәрне буядылар. Кыскасы, һәр бала үзенә кызыклы шөгыль тапты.
Мәдәният хезмәткәрләренең тырышлыгы белән Чирмешән балаларының җәйге каникуллары, гомумән, күңелле үтә. Һәр атнаның чәршәмбесендә китапханәчеләр, музейлар хезмәткәрләре район үзәгендәге паркларның берәрсендә план буенча балалар өчен төрле конкурслар, уеннар оештыралар.
Следите за самым важным и интересным в Telegram-каналеТатмедиа
Нет комментариев