Чирмешән районында беренче туй 25 гыйнварда булган

Түбән Чегодай егете Рәмис Дәүләтшин Югары Кәминкә кызы Гүзәл Сәрварова белән гаилә корган. Февраль аена әлегә гаризалар юк.

Үткән елның гыйнварында районда өч туй булган.

Елның беренче баласы - Туймәт кызы

Елның беренче аенда районда 4 сабый: ике малай, ике кыз дөньяга килгән. Беренче бәләкәч Туймәткә кайткан, ә өчесе – Чирмешәнгә. 2023 елның гыйнварында 7 бала туган булган.

ЗАГС аерылышуны да терки

2024 елның беренче аенда район ЗАГС бүлеге ике гаилә таркалу хакында акт тапшырган, ягъни үткән елның гыйнварындагы кадәр.

Гыйнвар аенда районда 29 кеше бакыйлыкка күчкән. 2023 елның бу чорында 19 якташыбыз якыннарын мәңгелеккә калдырып киткән.