Безнең районда
Чирмешән районы мәктәпләренең дүртенчесендә ашханә ремонтлана
Яңа уку елыннан Әккәрәй мәктәбенең дә азык-төлек блогында аш әзерләү шартлары яхшырачак. Биредә республика программасы буенча капиталь ремонт бара.
- Ашханәне капиталь ремонтлауга 9 миллион 12 мең сум акча бүлеп бирелде, - диде район мәгариф бүлеге начальнигы Ольга Маркова. – Инде мәктәпләрнең дүртенчесендә шундый төзекләндерү эшләре бара. Үткән елларда Чирмешән лицееның, 1 нче һәм 2 нче Чирмешән мәктәпләренең ашханәләре ремонтланган иде.
Әккәрәй мәктәбендә сүтү эшләре тәмам, осталар хәзер электр үткәргечләре сузу белән мәшгуль. Ашханәнең идәне шомарачак, стена, түшәм дә яңартыла, яңа җиһазлар урнаштырылачак.
Следите за самым важным и интересным в Telegram-каналеТатмедиа
Нет комментариев