Чирмешән лицеенда узган парламент дәресенә район башлыгы килде

Быел Бөек Ватан сугышында Җиңүнең 80 еллыгын билгеләп үтәбез. Шунлыктан бу дәрестә сүз Ватаныбыз батырлары турында барды. Лицейның тарих укытучысы Марина Кандрова актлар залына җыелган 8-11 сыйныф укучыларына Георгий тасмасының мәгънәсе аңлатты. Укучылар Әфган, Чечен сугышлары геройлары турында сөйләделәр. Махсус хәрби операциядәге якташларыбыз батырлыгына да тукталдылар.

Лицейны тәмамлаган ике укучы да бу операциядә катнаша. Кызганыч, Ранис Дәүләтшин инде арабызда юк, Радик Әхмәтҗанов хезмәтен дәвам итә. Алар икесе дә мобилизация буенча киткән. Лицейлылыр үз батырлары белән горурлана. Дәрес барышында сугышларда башларын салган солдатларны бер минут тынлык белән искә алдылар.

Чарада катнашкан район башлыгы Рамил Айбатов илдәге вәзгыять турында уртаклашты. Ул махсус хәрби операциядә катнашучыларга гуманитар ярдәм чаралары, анда үзенең сәфәре турында сөйләде.

Дәрес интерактив формада узды, анда укучыларга сораулар бирү һәм үз фикерләрен әйтү мөмкинлеге булды. Мондый чаралар яшьләрдә актив гражданлык позициясе формалаштыруга, тарихи хәтерне саклауга, патриотизм тәрбияләүдә ярдәм итә, үз иленең киләчәге өчен җаваплылык хисе тәрбияли. Ул укучыларда Ватаныбызның героик үткәне турында белемнәрне тирәнәйтү максатларында үткәрелә.

Мондый дәресләр, район җитәкчелеге, район Советы депутатлары катнашында, Ивашкино, Югары Кармалка, Кара Чишмә, Югары Кәминкә, Түбән Кәминкә, Иске Котыш, Ульяновка, Әккәрәй, 1 нче һәм 2 нче Чирмешән мәктәпләрендә дә узды.

Кадрия Гамирова фотолары