Чирмешәндә күп фатирлы йортларда капиталь ремонт дәвам итә

-Соңгы елларда капиталь ремонт программасы нигезендә күп фатирлы йортларда су, канализация челтәрләрен яңартабыз, подъездларны ремонтлыйбыз, подвалларда тәртип салабыз, - ди "Чирмешән" торак милекчеләре ширкәте идарәсе рәисе Мәсхүт Хөсәенов. – Быел төзүчеләр биш йортка килергә тиеш. Титов урамындагы 3 нче йортның түбәсен яңартырга кирәк. Совет урамындагы 36 нчы, 38 нче, 40 нчы йортларда су һәм канализация челтәрләре торбаларын алмаштыру каралган. Дзержинский урамындагы 39 “а” йортта узган елны башланган ремонт быел дәвам итәчәк. Бу йортта подъезд тәрәзәләрен алмаштырырга кирәк һәм цоколь этажда төгәллисе эшләр бар. 

Капиталь ремонтка акча республика һәм район бюджетларыннан да бирелә, әлеге эшкә йортларда яшәүчеләрнең ай саен түләп барган акчалары да тотыла.

Фото: архив.