Чаңгыда йөрергә яратучылар Әккәрәйдә очрашты
Әккәрәйдә Хезмәт Кызыл байрагы ордены кавалеры Илья Ефимов истәлегенә чаңгы ярышлары узды.
100дән артык спортчы катнашкан бәйгене алдынгы терлекченең балалары, онык-оныкчылары оештырган. Иң җитез чаңгычылар алар әзерләгән бүләкләргә, грамота һәм медальләргә ия.
Иске Элмәле, Ульяновка, Иске Кади, Югары Кәминкә, Кармыш, Ивашкино, Әккәрәй мәктәпләре һәм Чирмешән кадетлар мәктәп-интернаты укучыларына һава торышы да киртә булмады, алар төрле дистанцияләрне уңышлы үттеләр.
Чаңгы юлына чыккан кунакларны әккәрәйлеләр балык шулпасы - уха, кайнар чәй һәм коймак белән сыйладылар.
фото: Чирмешән районы мәгариф бүлеге
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев