2023 елда Чирмешән районында 63 бала туган
Быел районда әлегә бер сабый туган. Бу хакта район үзәк бльницасыннан хәбәр иттеләр.
Үткән елның соңгы аенда район ЗАГС бүлеге 8 балага (4 малай һәм 4 кыз) туу турында таныклыклар тапшырган. 2023 елда барлыгы 63 гаиләгә сабыйлар алып кайтканнар. Малайлар күбрәк (34) туган, кызлар – 29.
2022 елның декабрендә ике бала туган, ел дәвамында – 55.
Чирмешән районында туйлар сирәгәйгән
2024 елда беренче туй 25 гыйнварда булыр дип көтелә.
2023 елда район ЗАГС бүлеге 53 парның никахын рәсмиләштергән, шуларның сигезесе әле декабрь аенда гына кавышканнар. 2022 елда 76 яңа гаилә барлыкка килгән
Аерылмагыз, каерылмагыз
Аерылмагыз, каерылмагыз, булса да сәбәпләре, дип җырласалар да, кызганыч, гаилә корган парларның байтагы таркала. Үткән елда да 24 пар аерылышкан, 2022 елда андыйлар 47 булган.
Гомерләр санаулы
Үткән елның соңгы аенда 13 райондашыбыз бакыйлыкка күчкән. Ел дәвамында район ЗАГС бүлегендә 231 кешегә үлем турында таныклык тутырганнар. 2022 елда якты дөньядан китүчеләр саны 278 булган.
Следите за самым важным и интересным в Telegram-каналеТатмедиа
Нет комментариев