1 нче Чирмешән мәктәбе укучылары район җитәкчелеге белән очрашты
Район башлыгы Рамил Айбатов 1 нче Чирмешән мәктәбенең өлкән сыйныф укучылары белән очрашу үткәрде.
Ике сәгатькә якын сузылган әңгәмә бик җанлы узды. Район башлыгы укучыларга районның социаль-икътисади үсеше, киләчәккә планнар турында сөйләде.
Укучылар район башлыгына үзләрен кызыксындырган сораулар бирделәр, район башлыгы белән төрле актуаль темаларга сүз кузгаттылар. Яшьләр район башлыгының эше, идарә итүнең кыенлыклары хакында да кызыксындылар.
Очрашу ахырында өлкән сыйныф укучылары Рамил Айбатовка кызыклы, мавыктыргыч әңгәмә өчен рәхмәт белдерделәр. Район башлыгы булачак яшь белгечләрне туган якларына кайтырга өндәде, укучыларга нык сәламәтлек, куелган максатларга ирешүләрен, үз-үзләренә ышануларын теләде.
“Район башлыгы белән иртәнге аш” дип аталган очрашулар районның башка мәктәпләрендә дә узачак.
Следите за самым важным и интересным в Telegram-каналеТатмедиа
Нет комментариев