Татарстанда көчле җил һәм томан көтелә
Гадәттән тыш хәлләр министрлыгында томан һәм көчле җил турында кисәттеләр, шулай ук куркынычсызлык кагыйдәләре турында искә төшерделәр.
Мондый һава торышында реклама такталары, юл билгеләре һәм агачлар астында качарга ярамый. Моннан тыш, балаларны караучысыз калдырмаска һәм өлкән яшьтәге һәм авыру кешеләргә ярдәм күрсәтергә киңәш ителә. Ашыгыч хәлләрдә 112 номерына шалтыратырга кирәк.
Искәртәбез, бүген кич һәм иртәгә Татарстанда көчле җил көтелә, аның тизлеге секундына 18 метрга кадәр җитәргә мөмкин. Моннан тыш, бүген көннең икенче яртысында республиканың көньяк районнарында томан булуы ихтимал.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев