Раушания Сәүбанова авылдашларына тагын бүләк ясады

Чирмешәнлеләрнең Казандагы якташлык җәмгыяте рәисе, авылдашлары Раушания Сәүбанова быел да Туймәттән җиде гаиләне “Безнең Чирмешән” газетасына яздырды.

Улын һәм ирен махсус хәрби операциягә озаткан Тәгъзимә Тукаева, ике улы ил сагында булган Наилә Шаһидуллина якташлары бүләгенә бик шатланганнар. Батыр уллар үстергән Розалия һәм Атлас Зариповлар, Ландыш һәм Рәмил Сәгыйровлар, Люция һәм Мөнир Сәхаповлар, Гөлсирә һәм Васыйл Мортазиннар, Ринат Нуруллин да юмарт авылдашның мондый игътибарына бик рәхмәтле.