Очучы түгел, ләкин күктә: Чирмешән хәрби комиссариатында дрон операторлары хакында сөйләделәр

Пилотсыз авиация бүлекчәләрендә контракт буенча хезмәт итәргә теләүчеләр өчен “цифрлы” берничә вакансия ачылды: БПЛА операторы, максатчан йөкләнеш белән идарә итү операторы (камералар, разведка), инженер яки техник.

Кандидатлар өчен төп таләпләр:

• Яше: 18 яшьтән 45 яшькә кадәр.

• Белеме: урта һөнәри (техникум, көллият) яки югары.

•Теле: инглиз телен база дәрәҗәсендә белү (интерфейслар һәм техник документация белән эшләү өчен).

• Сәламәтлек: сәламәтлек ягыннан җитди медицина чикләүләре, җәрәхәтләр, контузияләр булмау. “В” (өлешчә яраклы) һәм  “Д” (яраксыз) категорияләре рөхсәт ителми.

• Психофизика: һөнәри психологик сайлап алуны уңышлы узу (яраклылыкның 2 нче категориясеннән дә ким булмау).

Төп күнекмәләр һәм сыйфатлар:

• Аналитик фикер йөртү: тиз арада күп мәгълүмат эшкәртергә кирәк.

• Тотрыклы вестибуляр аппарат: камерадагы кадрлар белән эшләү нык чайкалуга чыдамлыкны таләп итә.

•Бик яхшы вак моторика: джойстик белән идарә итү төгәллек һәм сизгерлек таләп итә.

• ПК (компьютер) белән ышанычлы эшләү: бу төп эш коралы.

Иң мөһиме: самолет яисә вертолет тибындагы эре БПЛА белән эшләүгә кандидатлар өчен физик әзерлек буенча нормативларны “яхшы” билгесеннән түбән булмаган баллга тапшыру таләп ителә.

Тулырак мәгълүмат алу өчен хәрби комиссариатка килергә яки 8 (84396) 2-26-55, 8 (906) 117-79-38 номерларына шалтыратырга мөмкин.