Марттан нинди законнар гамәлгә керә?
Марттан Россиядә берничә яңа закон, шул исәптән мигрантларны эштән куу өчен нигезләмәләрне киңәйтү турында закон да үз көченә керә. Бу хакта Дәүләт Думасы рәисе Вячеслав Володин хәбәр итә.
«Эш бирүчеләр федераль чикләүләрне генә түгел, ә төбәк чикләүләрен дә үтәү өчен чит ил гражданнары белән килешүне туктата ала. Бу миграция өлкәсендә тәртип урнаштыруның чираттагы адымы. 2024 елдан бирле бу өлкәдә барлыгы 22 федераль закон кабул ителгән», – дип язган ул МАХ платформасында.
– Коммуналь хезмәтләр өчен киләсе айның 15 числосына кадәр түләргә, ә түләү документларын бишесеннән дә соңга калмыйча бирергә кирәк булачак.
– Россиядә «Антифрод» дәүләт системасы булдырыла, ул мошенникларны нәтиҗәлерәк ачыкларга һәм мәгълүмат белән тизрәк алышырга мөмкинлек бирәчәк.
– Микрофинанс оешмалары Үзәк Банкка клиентның ихтыяри ризалыгыннан башка займ килешүләре төзү омтылышлары турында хәбәр итәргә тиеш булачак.
– Локализацияләнмәгән автомобильләрдә йөрүче үзмәшгуль таксистлар өчен төбәк реестрында теркәлгән гомуми саннан 25 процент күләмендә квота кертелә.
– Калган машиналар локализация параметрларының берсенә туры килергә тиеш. Бу быелның 1 мартына кадәр реестрга кертелгән машиналарга кагылмый.
– 3 марттан башлап беренчел тикшерү эшләрен гаепләнүче яки шаһитлар гына түгел, зыян күрүчеләрнең күпчелеге булган урыннар буенча үткәрергә мөмкин.
– Онлайн-язылу сервислары, әгәр кулланучы озайтудан баш тартса, түләүне автомат рәвештә ала алмаячак.
– Туристлык продуктына сәяхәтчеләрне йөртүне, экскурсоводлар, тәрҗемәче-гидлар һәм инструктор-озатучылар тарафыннан хезмәт күрсәтүне кертәчәкләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев