Чирмешән районында мөмкинлекләре чикле балаларны бәйрәм белән котладылар
Халыкара балаларны яклау көнендә “Багетный” кооперативы һәм район инвалидлар оешмасы мөмкинлеге чикле балаларны сөендергәннәр.
-Чирмешән, Түбән Чегодай, Лашман, Әмир авылларында яшәүче, физик мөмкинлекләре чикле ун баланы бәйрәм белән котладык, - диде “Багетный” кооперативы рәисе урынбасары Марат Әһлиуллин. – Азык-төлек, тәм-томнар тутырылган пакетларны өйләренә илтеп бирдек.
Район инвалидлар оешмасы әлеге балаларга уенчыклар алып барган. Сабыйларга әлеге бәйрәм бүләкләрен алырга нефтьчеләр булышкан.
-Районда физик мөмкинлеге чикле 74 бала яши. Авыр диагнозлы, бәйрәмгә үзләре килә алмаган балаларның өйләренә барып котладык, - диде район инвалидлар оешмасы рәисе Мәдинә Талипова.
Ирина Митяева фотолары
Следите за самым важным и интересным в Telegram-каналеТатмедиа
Нет комментариев