Чирмешәндәге күп фатирлы йорт ишегалды чәчәкләргә күмелгән

Узган елны “Безнең ишегалды” республика программасы кысаларында  әлеге йортның да ишегалды төзекләндерелде. Яңабаштан асфальт җәелде, бордюрлар урнаштырылды, утыргычлар, чүп савытлары куелды, кер киптерү, автомобильләр кую өчен махсус урыннар ясалды.

Күп фатирлы йортта яшәүчеләр дә төзекләндерү эшләренә битараф калмыйча, яшәү урыннарын бик матурлаганнар. Әйтергә кирәк, биредә ишегалды кечкенә түгел һәм бу кадәр күп чәчәк үстерү өчен байтак көч куярга кирәк булгандыр.