Чирмешән районы кулланучылары үз хокукларын белергә тиеш

Кулланучылар хокукларын яклау көне уңаеннан, гражданнарның кулланучы хокуклары буенча белемнәрен арттыру һәм килеп чыккан бәхәсләрне хәл итү юлларын табарга өйрәтү максатыннан, районда төрле чаралар үткәрелә.

Район мәктәпләрендә Бөтендөнья кулланучылар хокукларын яклау көненә багышлап, класстан тыш чаралар, әңгәмәләр, класс сәгатьләре узган. "Кәрвансарай" күпфункцияле үзәктә сатып алучылар һәм сәүдә үзәге хезмәткәрләре өчен консультация пункты оештырганнар. Яңа Элмәледә гражданнарны кабул итү һәм җирле үзидарә белгечләрен укыту булган. Район эшмәкәрләренә кулланучыларның хокукларын яклау турындагы законны аңлатканнар.

Архив фотолары