Авыл җирлегендә эшләүче хатын-кызлар өчен 36 сәгатьлек эш атнасы кабул ителде
Без авыл җирлегендә эшләүче хатын-кызлар өчен 36 сәгатьлек эш атнасы хакында федераль закон кабул ителде дип ишеткән идек. Тик, минемчә, күпчелек учреждениеләрдә хатын-кызлар әле дә атнасына 40 сәгать эшли. Бу уңайдан конкрет җавап ишетәсе иде. Һәм тагын: эш бирүче әлеге законны санламаса, кая мөрәҗәгать итәргә?
Чирмешән авылыннан бер хатын-кыз.
Район прокуроры урынбасары Айназ Газизов әлеге уңайдан мондый аңлатма бирде:
-Әйе, 2019 елның 12 ноябрендә чыккан Федераль Закон нигезендә РФ Хезмәт кодексына 23 ноябрьдән гамәлгә ашкан өстәмәләр кертелде. Чынлап та, авыл җирендә эшләүче хатын-кызлар хәзер түбәндәгеләргә хокуклы:
- язма гаризалары нигезендә, алар айга, эш хакы түләнмәгән бер көн өстәмә ял алырга;
- кыскартылган эш вакытының атнасына 36 сәгать итеп билгеләнүенә хокуклылар. Бу очракта хезмәт хакы тулы эш атнасыныкы кебек түләнә;
- хезмәт шартлары буенча эш көне өлешләргә бүленгән эшләрдә хезмәткә түләүне күтәрелгән күләмдә билгеләүгә;
Шунысын да әйтергә кирәк, әлеге законны санга сукмаган эш бирүчеләр административ җаваплылыкка тартылырга мөмкин.
Хезмәт кодексының әлеге статьясы бозылган очракта, район прокуратурасына шалтыратып була. Тел. 2-23-66.
фото: архив
Следите за самым важным и интересным в Telegram-каналеТатмедиа
Нет комментариев